1. UTANGULIZI

Kuanzishwa kwa Dayosisi ya Kahama ilijadiliwa na kuamuliwa katika Mkutano wa kumi na mbili (12) wa Sinodi takatifu ya Dayosisi ya Tabora iliyokutana tarehe 16 – 19 Juni, 2024 katika ukumbi wa Canon Nashon Nkugwe – Tabora Manispaa. Ambapo Halmashauri Kuu ya Kanisa Anglikana Tanzania iliyoketi Novemba 2025 Jijini Dodoma iliridhia Kahama kuwa Dayosisi

Pia, tulipewa barua ya idhini ya kuanzisha Dayosisi ya Kahama yenye kumb: KAT/BR/KM/2025/213.

2. MIPAKA YA DAYOSISI TARAJIWA YA KAHAMA

Dayosisi tarajiwa ya Kahama itakuwa ndani ya mipaka ya kiserikali ya wilaya tatu zenye ukubwa wa kilometer za mraba 12,506.64. Wilaya hizo ni; Kahama Mkoa wa Shinyanga, Mbogwe na Bukombe – Mkoa wa Geita. Kwa sasa Dayosisi tarajiwa ina mitaa/parishi 18 na wachungaji 20, wainjilisti 38, makanisa 43 na wakristo 6,181.

Dayosisi ya Kahama itaundwa na Dinari za Kahama, Ushirombo na Bukondamoyo.

3. SHUGHULI ZILIZOFANYIKA

• Ununuzi wa nyumba na gari kwa ajlii ya Baba Askofu. Nyumba ipo ndani ya viwanja viwili vilivyounganishwa vilivyopo Lugela Kata ya Nyahanga.
• Tumejenga ofisi za Uaskofu vyumba vitatu katika Kanisa jipya linaloendelea kujengwa.
• Tunaendelea kukusanya fedha na michango mbalimbali kutoka kutoka maparishini na wadau.

4. MAMBO YA KUOMBEA

• Kuombea ukamilishwaji wa ujenzi wa ofisi Kuu za Uaskofu
• Ujenzi wa kanisa kuu
• Uchanguzi wa Askofu tarehe 17 Julai, 2026
• Ununuzi wa mavazi ya kiliturujia ya Askofu